°•..•° TaLaKeK °•..•°

ازيك ياواد ياعثـل / ازيك يابت ياموره
لو انتـــ مـــن اصحاب المنـــتدى دوس دخـــول
لو لــــسه اول مــــره ليــك دوس على تســجـيل

عشان تقبــى واحد مننا وحبيبنا كمـان وهنعمل معاك احلى واجــب

Laughing Laughing


 
الرئيسيةبحـثالتسجيلالأعضاءدخول

شاطر | 
 

 بحبك يا غرام(يوميات مراهقة)

اذهب الى الأسفل 
كاتب الموضوعرسالة
noody3
ابـــتـدا يفهم الدنيا
ابـــتـدا يفهم الدنيا
avatar

انثى
عدد الرسائل : 58
العمر : 28
منين ؟ : Egyet

مُساهمةموضوع: بحبك يا غرام(يوميات مراهقة)   2009-03-09, 11:39 am






[size=12]الحلقه الاولى


طبعا ده موش اسم فيلم ولا حاجه دي مذكرات مراهقه عاشت فترة مراهقتها

بكل ما تحمل الكلمة من معنى في خيالها وفي الحقيقة


على فكرة فكرة الموضوع ده من الخيال بس قصصها من واقع قصص حقيقيه


وتجارب مراهقتنا البنوته اسمها غرام والاسم ده طبعا مستعار


بس الاسماء اللي ممكن تدخل في

تفاصيل المذكرات جايز تكون حقيقيه يا رب تعجبكوا المذكرات .


وعلى فكرة هى منقوله زى مصحبتنا بتحكيها عن نفسها بالظبط بدون اى تدخل منى ...

-------

ملحوظه: الكاتبه الاصليه للمذكرات اسمها فاطمه


وعجبتنى قصتها فنقلتها ليكم


وبحب اوجهلها تحيه كبيرة جدا لانها بجد انسانه مبدعه

هنبتدي المذكرات بأول موقف في حياة غرام



كمان شهر بالظبط هتم ال17 سنه انا برج الميزان طيبه قوي وبحب الناس قوووووي


نفسي ابقى مطرقعه لمرة واحده في حياتي وابطل خوفي وكسوفي اللي زيادة عن اللزوم ده

احس اننا زيهم محبوبة وبحب وبتحب بس انا ما ينفعش تقريبا لان ابويا راجل غلبان وعلى قد


حاله هيشتريلي هدوم زي اللي بتجيبها لينا كل يوم منيين وهعمل شعري كل يوم عند الكوافير

وعمري ما حبيت وعمري ما حسيت ان انا زي غيري عبير ولينا وشروق محبوبين نفسي

اعمل زي ما بتعمل شروق منين و ما اعرفش اخرج لوحدي زي ما بتعمل عبير


اي نعم البت عبير بتفطسنا ضحك كل يوم على حكاويها مع رائد لكن يا مصيبتها السودة لو

طنط قفشتها دي موش هيطلعلها نهار


ياااااااااه ايه القرف ده هستنى لحد امتى علشان احب زيهم

قلت لنفسي :


بطلي عبط يابت ايه اللي انتي بتقولي ده الحب ده حرام ايوه حرام لاااااااااء


الحب مش حرام انا نفسي احب بقى ماليش دعوة هفضل لأمتى استني اليوم ده


لاء مش مستنيا حاجه انا هدور بنفسي


انا بكرة هروح عند شروق اخليها تعملي شعري سشوار وهستلف طقم من لينا


وهروح لعبير نخرج على الله الاقي حد يحبني استأذنت من ماما


اننا هروح عند عبير النهارده وهنخرج وكده المهم وافقت


لبست بقى في خمس ثواني وجري عند عبير

وكنت قبل الخروجه بمنظر تاني غير اللي خرجت بيه شعر منكوش


وبنطلون قماش بسيط وقميص وفجأة


لقيت لينا جيبالي بنطلون جينز غالي قوووووي ليها وبتقولي قيسي ده


وشروق مجهزه السشوار وعبير هتخدني معاها و هنخرج نروح على سيتى ستارز


واو سيتى ستارز حلم عمري من زمان نفسي يتحقق عليا النعمة لو طلبت من بابا يخدني


لقلي اتلهي هوا احنا لقيين ناكل اما اخدك مكان زي ده


طبعا ايه ساعة وانا اصرخ وهما بيشدو في شعري وشمه ريحة شياط ايه ده


هي دي جيبا البنطلون ده ازاي وبتلبسه ازاي دي لالالالالا اللا ده مكياااااااج ده

اروح فيكو اللومان تؤتؤ انا موش لاعبه


يبت بطلي عقد تعالى بس هي دي الموضه وربنا هتقضي يوم زي العسل


و المكان هناك يجنن المهم الزن على الوادن امر من السحر المهم حسيت


وكأني زي العروسة شعري جميل واللبس حلو عليا قوووي


واقتنعت بعد اما قالولي ان حتى لينا وشروق جيين معانا وما فيش اي داعي للخوف

ووصلنا عمو والد لينا بالعربيه يبختك يا لينا موش بتتشعبطي كل يوم في الميكرو

علشان توصلي المدرسه


المهم وصلنا سيتى ستارز ونظرات الانبهار وخداني

ينهار زي بعضه ده انا مكنتش عايشه قبل النهارده الناس كتير التخين والرفيع والطويل


والقصير من كل شكل ولون وانا لو ما كنتش جيت كان زماني بتفرج على القناة الاولى


واللا بتخانق مع اختي الصغيره واللا قاعدة في القوضه وحواليا الف واحد

احسن حاجه ان انا خرجت


واكلت ايس كريم كان اطعم ايس كريم كلته في حياتي شوية كده


وقعدنا لقيت اتنين شبان جم بيسلموا على لينا اتخضيت قوي رحت قايمه

من مكاني قالتلي ده محمد ومصطفى ولاد طنط سميحه صاحبة ماما


انا سمعت طنط سميحه ارتحت قعدت تاني سلموا ومشيوا


ما فيش ثانية واحده وقالت لينا انا هاخد شروق ونتفرج على الفتريين بتاعت اللبس

موش هنتأخر طبعا عبير بتلعب في الموبايل وكل شويه نازله لرائد رن

ومسج وانا ببص وبس


وحياة ربنا لأمي تعلقلي المشنقه النهارده يلله نمشي


نمشي ده ايه دحنا ما بقلناش ساعه قاعدين بطلي بقى خنقتيني


طيب اوعديني اننا موش هنتأخر انا ورايا مزاكرة


اوك اوك بس والنبي بلاش زن


سكت وقعدت ابص على الناس وكأن الناس دي موش شبه الناس اللي عندنا

في الحتة خالص الجو كان جميل والمول كان مليان مرت ساعة


و لينا وشروق مجوش ولا حتى شفتهم



حصل ايه في المول هكمل في الحلقة الجايه ...............
الرجوع الى أعلى الصفحة اذهب الى الأسفل
noody3
ابـــتـدا يفهم الدنيا
ابـــتـدا يفهم الدنيا
avatar

انثى
عدد الرسائل : 58
العمر : 28
منين ؟ : Egyet

مُساهمةموضوع: رد: بحبك يا غرام(يوميات مراهقة)   2009-03-09, 11:41 am


يلا نكمل .. مع الحلقة التانى ..

شوية ولقيت اتنيين قربوا مننا منهم رائد تقريبا لان البت عبير ما صدقت

ووقفت تسلم عليه


هااااااااي


دينا هاااااااي


عاملين ايه يا بنوتات


الحمد الله


عبير قالت اعرفك دي غرام صحبتي


رد رائد قال : اهلا غرام وده صاحبي بلال


اتفضلوا تشربوا ايه


رديت عبير انا هاخد بلاك فوريست وفرينش كوفي


بلمت قلت ليكون حاجه وحشه

انا موش هاخد حاجه متشكرة


سعتها قرفت من نفسي قوي وحسيت اننا مخنوقه اول مره


اعمل حاجه تضايقني كده


حسيت ان كل الناس بتبصلي وبتقول ايه قلة الادب ديه


وانا موش كده قلت يا رب خلص اليوم ده على خير بقى


طبعا عبير ورائد بيتكلموا وعارفيين بعض وانا ببص على الناس


وساكته موش عارفه حد وقلقانه وضربات قلبي بتدق وخمس ثواني كمان وهعيط


لقيت الولد صحبه اتكلم ونطق اخيرا بيقولي مساء الخير؟


رديت قلته : طيب !


قالي اسمك ايه ؟


بصيتله بصه غريبه وقلتله ما قالتلك عبير غرام

قلي عاشت الاسامي يا قمر وعندك كام سنه بقى


قلتله 16


قالي يا صغنن


قلتله نعم يخويا (هههههههههههه والله كل ما افتكر اضحك)



قلتله ايه صغنن دي ما تشوف انت بتكلم مين

قالي طيب بشويش مالك قافشه


قلتله ولا قافشه ولا بتاع انا مروحه وقمت ( كنت بتلكك بقى )


وفجأه الطربيزه كلها قامت ايه رايحه فين ليه كده بس


ولقيت البت عبير لحقتني


قالتلي كنت عارفه انك هتقلبيها بغم


وريني بقى هتروحي ازاي


يادي النيله ربنا ينكد عليكي انا راجعه اكل البلاك فوريست بتاعي


حقدت عليها وقعدت ادعي عليها


ببص على شمالي كده موش عارفه لا اجي منين


ولا اروح فين زي التايهه في الزحام


لقيت لينا وشروق ماشيين مع محمد ومصطفى ولاد طنطها سميحه


تنحت

بقى كده تلبسوني العمه


فتاريين ايه اللي بقالكوا ساعتين بتلفوا فيها


انا عايزه اروووووووووووح ماليش دعوه بقى


سد سد يبنتي سد ايه خلاص مروحيين


رجعت بتنا وانا شيلا يوم نصه فرحانه ونصه مخنوقه قووووووي


وقلت لنفسي انت بتعملي كده ليه بطلي عبط بقى وشوفي مصلحتك


ولو ربنا عايزك تحبي هتحبي من غير ما تدوري انتي على الحب

نمت وانا بعيط وموش طيقه نفسي









استنوني هرجع تانى .....
الحلقه الجايه بقي ........

ملحوظه : الكلام بين الاقواس بين غرام وبين نفسها

الرجوع الى أعلى الصفحة اذهب الى الأسفل
noody3
ابـــتـدا يفهم الدنيا
ابـــتـدا يفهم الدنيا
avatar

انثى
عدد الرسائل : 58
العمر : 28
منين ؟ : Egyet

مُساهمةموضوع: رد: بحبك يا غرام(يوميات مراهقة)   2009-03-09, 11:46 am

الحلقه التالته



النهرده كلمتني عبير في التليفون طبعا كنت موش طيقاها وزعلانه منها جدا علشان الحركة اياها وقلتلها انتي جبانه موش تكلميني تاني قلتلي بقى دي عمله تعمليها هوا حصل ايه لده كله
قلتلها يا بنتي انا غلطانة اساسا اننا فكرت اجي معاكي انا ماليش في الجو ده صدقيني قالتلي طيب خلاص صافي يا لبن ( هوا ما كنش علشان خاطر سواد عيوني بس علشان كان عيد ميلادي)
وانتهينا قلتلها تيب خلاص
عيد ميلادي ده قررت فيه ان خلاص كفايه كده ولازم احب بقى لان كده كتير. نفسي احس الرومانسيه والرقه واتجرأ واتكلم وابوح بمشاعري لحد يستاهل

المهم
بعد يومين اتصلت لينا قلتلي تعالي انا عندي شروق وعبير وقعدين مع بعض وماما عند جدتي ومعاها اخواتي الصغيرين يعني هنعد براحتنا من غير قلق
قلتلها هسأل ماما قالتلي ماشي بس ما تتأخريش
رحت بقى عندها كان بيتهم كبير قوي وواسع وجميل والبلكونة واسعه يرمح فيها الخيل سيبتهم وفضلت قاعده في البلكونة تايه وسارحه في الجو الجميل ونفسي ابص كده قدام عيني الاقي بحر وجمبي شط وانا لوحدي ولو كان معايا حد يبقى واحد معين يملا عليا المكان ضحك وحب
ببص قدامي لقيت شاب واقف على البلكونه اللي قدام بيتها وبيبصلي قوووي عدلت قعدتي طبعا بيني وبينكو اتاخدت ورحت قايمه فبسأل لينا بقولها مين ده اللي واقف في بلكونتهم قالتلي ده جارنا عادل واخته دينا صحبتي جدا بس ايه واد جامد بجد هوا في الجيش دلوقتي وجي اجازة وراجع بكرة او بعده بالكتير
بصراحه كده ومن الاخر حسيته بيبصلي
قالتلي لاء هوا مؤدب قوي ومش ليه في الحجات دي وبيحب واحده
نزلت لينا معانا علشان توصلنا لاول الشارع ببص كده لقيته واقف قدام بيتهم وجمبه شلة بنات من اخواته وبنات اخواله وعمامه
رحت بصه بقرف كده ( عاملي فيها روميو حضرته) مش عاجبني المهم سلمت عليهم من بعيد وروحنا

تمر الايام وتيجي دينا دي معانا في نفس الفصل اللي كنا في احنا الاربعه والبنت دي حبتني قوووووي وبقينا صحاب وقالتلي احنا جران يعني تعالي عندي في البيت نزاكر مع بعض قلتلها معلش انا موش بخرج ديما بس كنت كل ما روح عند لينا افاجأ بأخو دينا واقف بيبصلي وبيتعمد يبصلي قوي وسعات برضه الاقيه مشغل الكاست على العالي اغاني حب وغرام اول ما يلمحني
وانا اقول للينا اخو دينا ده موش مظبوط هوا بيعمل كده ليه تقلي لاء عادي هوا ديما كده


حصل ايه مع اخو البونيه الجديده هقولكم مع حلقة الربعه من مذكرات المراهقه اياها هتستنوها واللا اخدها من قاصرها وما اكملش هههههههههههههههه


[center]الحلقه الرابعه



المهم بقى في يوم كنت في بيتنا عادي يعني بمسح الشباك وقعت مني الحتة اللي بمسح بيها في الشارع ببص تحت الاقي المحروس اسم الله عليه واقف تحت بيتنا جمب عربية كبيره قالولي بعدين ان اسمها جيب اصلي ماليش في العربيات ومره بي ام سودة حسيت اننا واقعه في فيلم عربي قديم
يقف بعيد عن البيت شويه ويشغل الاغاني اياها وانا بصراحه كنت مديقه وحسه ان الحركات دي متوجهه ليا موش لحد تاني
وفي يوم وافقه في شباك بيتنا كالعادة بصراحه لان ما فيش حاجه تانيه اعملها واستريح من المزاكره والبيت اللا الشباك ببص لقيت اخينا بالله في بيت الجيران قدمنا وقاعد مع علاء ابن الجيران واول ما وقفت جم ووقفوا هما كمان في الشباك
قلت اووووووووف بقى ورحت قافله الشباك ودخلت جوه البيت

بعد كده عزمتنا دينا اخته على البيت عندها علشان نزاكر سوا وكده كلهم قالوا اه انا قلت لاء موش هقدر ماما موش هترضى انا عارفه موش بتحبني ازاكر مع حد معلش قالتلي طيب بس علشان تفهمينا درس الفيزيا ما تطوليش قوليلها موش هتتأخري قلتلها مامتي وانا عرفاها
فوجئت بلينا مكلماني في البيت وطلبت من ماما اننا اروح معاهم عند دينا وان موش هنطول كلها ساعة بالكتير قالتلها ماما اصل خالها جي وخارجين موش عاوزاها تتأخر قلتلها انا هوصلها ان شاء الله موش هنتأخر
قلتلها يبنتي انا ما قلتش لماما علشان موش عايزه اروح قالتلي هيحصل ايه يعني انتي معانا اهو
قلتلها طيب بس اياك يحصل حاجه علشان هبهدل الدنيا انا مبحبش الحركات دي انا بقولك اهو
قالتلي انتي بس كده ديما بطلي بقى شغل العيال ده المهم رحت الاول عند لينا واتجمعنا عندها وبعد كده نزلنا عند دينا
ويا دوب اهو خلاص هنخش قعدنا في الصالون
انا طول الوقت قعده عادي لقيت البت شروق بتقول اخوها اهو والنعمه الواد ده جامد
بصيتلها من فوق لتحت وانا عارفه انها بتغيظني قلتلها سيبتهولك يختي
شوية كده لقيت باب بيتهم بيدق ده اخو لينا بيقولي ان ماما كلمتني هناك وعيزاني اروح علشان خالي هيودينا معاه السوق
حمدت ربنا ان انا موش اتأخرت اكتر من كده وجري على البيت
كنت ارجع البيت افكر يا ترى هوا بيبصلي كتير قوي كده ليه يا ربي بيحبني ممكن يكون بيحبني لو فعلا كده انا هشوف هيعمل ايه ؟
ولا يمكن ولا يمكنش هو شاف ان مفيش فايدة بعد كدة وراح لحاله والحمد الله رب العالميين......

الجزء الخامس من المذكرات خاص بفنان مشهور هههههههههههههههههه
[/center]
الرجوع الى أعلى الصفحة اذهب الى الأسفل
noody3
ابـــتـدا يفهم الدنيا
ابـــتـدا يفهم الدنيا
avatar

انثى
عدد الرسائل : 58
العمر : 28
منين ؟ : Egyet

مُساهمةموضوع: رد: بحبك يا غرام(يوميات مراهقة)   2009-03-09, 11:49 am


انشاء الله لو القصه عجبتكم
وحاسيت بتفاعل هكملها
وعايزه اشوف بقى ردودكم الحلوه
الرجوع الى أعلى الصفحة اذهب الى الأسفل
riry
احلى الاعضـاء
احلى الاعضـاء
avatar

انثى
عدد الرسائل : 3584
منين ؟ : alex
مــزاجك ؟ : فى الروقان

مُساهمةموضوع: رد: بحبك يا غرام(يوميات مراهقة)   2009-08-08, 8:13 am

بجد القصه تحفه وياريت تكمليها
الرجوع الى أعلى الصفحة اذهب الى الأسفل
SOMPATY
اعضــاء تلاكيــــك
اعضــاء تلاكيــــك
avatar

ذكر
عدد الرسائل : 4
منين ؟ : 15 مايو
مــزاجك ؟ : زى الفل

مُساهمةموضوع: رد: بحبك يا غرام(يوميات مراهقة)   2009-08-11, 11:26 pm

ده موضوع جامد طحن
SOMPATY
الرجوع الى أعلى الصفحة اذهب الى الأسفل
SOMPATY
اعضــاء تلاكيــــك
اعضــاء تلاكيــــك
avatar

ذكر
عدد الرسائل : 4
منين ؟ : 15 مايو
مــزاجك ؟ : زى الفل

مُساهمةموضوع: رد: بحبك يا غرام(يوميات مراهقة)   2009-08-16, 1:12 pm

الفرح بكره يا جماعه
الرجوع الى أعلى الصفحة اذهب الى الأسفل
sara_love
ابـــتـدا يفهم الدنيا
ابـــتـدا يفهم الدنيا
avatar

انثى
عدد الرسائل : 55
العمر : 23
منين ؟ : من الدنيا
مــزاجك ؟ : تماااااااااااام

مُساهمةموضوع: رد: بحبك يا غرام(يوميات مراهقة)   2010-01-20, 10:21 am

بجد مزكرات جااااااااااامدة اخر حاجة

ويريت تكمليها

تسلم

الرجوع الى أعلى الصفحة اذهب الى الأسفل
dodda
اعضــاء تلاكيــــك
اعضــاء تلاكيــــك
avatar

انثى
عدد الرسائل : 8
منين ؟ : من بلد الل
مــزاجك ؟ : قشطة يا معلم

مُساهمةموضوع: رد: بحبك يا غرام(يوميات مراهقة)   2010-07-30, 9:26 pm

بجد لازم تكمليها
دى قصة مشوقة جدا
مييييييييييييييرسى
الرجوع الى أعلى الصفحة اذهب الى الأسفل
 
بحبك يا غرام(يوميات مراهقة)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
°•..•° TaLaKeK °•..•° :: «(¯`·._) ( منتديات الرومانسيــه ) (¯`·._)» :: كـان يا ماكــــان-
انتقل الى: