| يوميات أتنين متجوزين ( عمر و سارة وسنة أولى جواز ) | |
|
+20zizi_a10 El-BoLdOzEr weza hesham80 RORA ebrahim طيرحزين نور nona261 tuxido ESLAM_AFREKANO اميره الاحزان DjMuSiC betooo MIRO ASSAD ANGEL rocky2 lesa-katkota noody3 Dj TalaKek 24 مشترك |
|
كاتب الموضوع | رسالة |
---|
Dj TalaKek صاحـــــب المصطبـــه
عدد الرسائل : 8474 العمر : 33 منين ؟ : HeLwAn مــزاجك ؟ : موووووز
| موضوع: يوميات أتنين متجوزين ( عمر و سارة وسنة أولى جواز ) 2008-05-16, 12:30 pm | |
| بسم الله الرحمن الرحيم بعد أن انتهينا ولله الحمد من يوميات أتنين مخطوبين والحمد لله انها حازت على أعجاب الكثير من اعضاء منتدانا الغالىهنبدأ النهارده بأذن الله تعالى فى الحلقات الجديده من يوميات أتنين متجوزين عمر وسارة وسنه أولى جوازويارب تعجبكم وتفيدكم ~~~~~~~~~~~~~~~~~~~~~~~يوميات أتنين متجوزين ~~~ ((( الحلقة الاولى ))) ~~~يوم الزفافأخيراً أصبحتُ في شقتي.. عشّي الصغير احساس جميل ان يكون للبنت بيت خاص اختارت فيه كل ركن وكل جزء على ذوقها الخاص تفعل فيه ما تريد وتشعر بالفعل انها ملكة متوّجة اخيراً انتهت الترتيبات والمشاوير والسهر والخناقات من اجل فرش هذا العش الرائع الصغير اخيراً انتهى ضجيج الفرح وتفحص المعازيم فيّ كأني هابطة من المريخ وكل واحدة من عواجيز الفرح تمصمص شفايفها وتقول: مش كانت بنتي أحسن؟تعبت جداً من حمل الفستان الثقيل والحذاء الضيق.. سبحان الله.. هوّ كل احذية العرايس بتكون ضيّقة ليه؟واخيراً اخيراً ح اكون لوحديايه ده.. صوت عمر بيقول: مدام عمر اجمع عندي بالخطوة السريعة مدام؟.. انا يا بيه؟سـارةايه يا ستي سرحانة في ايه ده كله؟.. هو علشان مفيش حد فى جمالك النهاردة يبقى خلاص؟.. لا يا هانم انا لما انده عليكي تيجي قبل ما انده مفهوم ؟.. وبعدين فين القطة علشان ادبحهالك ؟سـارة: انت عاوز تاكل قطط النهاردة ولا ايه؟.. لو دبحتها ح اطبخهالك فورا عمـر: تطبخيها ؟!!.. بنات اخر زمن يعني مش خايفة مني ؟ سـارة: لا مش خايفة.. أنا فرحانة جداً.. وانت ؟ عمـر: انا أسعد انسان في الدنيا.. اول مرة بنتكلم انا وانتي من غير الف محرم وعزول في بيتنا.. بجد البيت جميل أوي.. ذوقك طلع يجنن يا سارة لما كل حاجة اتفرشت.. واجمل ما فيه ان حبيبتي فيه.. لا لا.. مفيش كسوف خالص.. خلّصنا الحدوتة دي.. شوفي انا باقول علشان ربنا يكرمنا في حياتنا نصلي انا وانتي ركعتين نبدأ بيهم حياتنا علشان ربنا يبارك لنا كل خطوة.. ماشي ؟ سـارة: ماشي يا حبييبي عمـر: حبيبي؟!!.. لا يا ستي قومى غيّرى هدومك واتوضى احسن كده مش مصلّيين خالصعمـرقمت ودخلت حجرة النوم.. ولا أدري عندما دخلتها لماذا ارتجفت؟؟الله يسامح كل البنات اللي رعّبونا لما اتجوزوا.. ليه يعني هيّ حرب؟.. انا مش ح افكر فى حاجة علشان ما اديهاش عياط من اولهايا خبر.. ايه كل الجيبونات اللي في الفستان دي انا كنت شايلة حديد زي المصارعين مش فستان.. لازم يعذبوا البنات فى كل شىء.. والله حرام الغلب دهغيّرت الفستان باعجوبة وارتديت عباءة جميلة مطرّزة ولم أجرؤ ان ارتدي الطقم الذى اوصتني أمي ان أرتديه... العالم دي بتهرّج أكيدوتوضئت في حمام غرفة النوم وأزلت ماكياج الفرح وأسدلت شعري ليراه عمر لأول مرة وخرجت له لأجده غيّر البدلة وارتدى البيجاما التي أوصانى العالم كله ان أهديها له وكأن الجوازة ستفشل لو لم تُهدي العروس عريسها بيجاما يوم الزفاف وسيُكتب الخبر فى الصفحة الاولىوجدته ينظر لي نظرة كلها اعجاب وحب واستقبلني مهللاً: انا عرفت دلوقت ليه الحجاب فُرِض.. لو كنتي بتخرجي بشعرك الجميل ده كانت حصلت مظاهرة.. يالاّ يا ستي نصلي أحسن كده مش ح ينفع خالصوصليتُ وراء زوجى لأول مرة واحسست احساس رائع ان زوجي الامام وان الله شاهد علينا ونحن نبتهل بين يديه ان يرزقنا السعادة والتوفيق.. ودعا عمر دعاء طويل وأمّنت عليه وانا أدعو من قلبي ان يحقق الله كل كلمة فيه وان يكون زوجي الحبيب حبيباً طوال العمر وألاّ يفرقنا إلاّ الموت والا يدخل الشيطان بيننا ابداًوانهينا الصلاة وجلسنا واحتضن عمر يدي فى يده لأول مرة فارتجفت وظهر عليّ ارتباكي وصاحبني خوفي واسترجعت كل الحكايات المفزعة التى سمعتها من أغلب البنات.. وواضح ان خوفي كان ظاهر.. وكأن عمر قرأ أفكارى فوجدته يحنو عليّ ويقول: ايه يا سارة الرعب ده كله.. ايه يا حبيبتي هيّ حرب؟.. ما تخافيش من اي حاجة خالص وسيبك من الاوهام دي وحواديت البنات الفارغة.. لو كانت الارتباط مفزع كده ما كانش الاسلام سمى الليلة دي ليلة البناء.. يعنى الزوجين بيبنوا حياتهم فى الليلة دي.. وكان سماها ليلة الحرب العالمية.. مش كده؟.. وياستي علشان تطمني انا عاوز اتكلم معاكي واستمتع ان انا وانتى لوحدنا لأول مرة وبعدين كل حاجة تيجي على مهلهاأحسست بجبل أزيح من فوق صدري وشكرت تفهم عمر ورقته المتناهية وتحدثنا طويلاً طويلاً كأني طوال عمري لم أتحدث.. وكان أعذب حديث شعرت به فى حياتي أتكلم مع زوجي وحبيبي وفتحت له قلبي وسقط حاجز الخجل مني وأخرجت كنز المشاعر التى كنت أخبؤها من يوم ان تشكلتُ أنثى الى اليوم وأعطيتها الى الرجل الذى ارتبطت بهووقتها عرفت عظمة الاسلام فى تحريم العلاقات المحرمة.. والا كيف تشعر الفتاة بهذا الشلال من المشاعر الفياضة البكر لو كانت ألقت مشاعرها لهذا وذاك ووصلت الى زوجها وهى مليئة بمرارات التجارب الفاشلة؟وشيئا فشيئا سقطت الرهبة و الحواجز بيننا وتحدثت القلوب والعيون و.......... سكتت شهرزاد عن الكلام المباحسارةعقبالكم جميعاً __________________ | |
|
| |
noody3 ابـــتـدا يفهم الدنيا
عدد الرسائل : 58 العمر : 34 منين ؟ : Egyet
| موضوع: رد: يوميات أتنين متجوزين ( عمر و سارة وسنة أولى جواز ) 2008-06-30, 12:14 am | |
| بجد القصه حلوه اوى وعايزين منها حلقات كمان وربنا يخلى عمر لسارة | |
|
| |
noody3 ابـــتـدا يفهم الدنيا
عدد الرسائل : 58 العمر : 34 منين ؟ : Egyet
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-01, 3:16 am | |
| بلييييييييييييييييييييييييز يا تلاكيك نزل باقى الحلقات والقصه روووووووووووووووووووعه :D :D | |
|
| |
lesa-katkota احلى الاعضـاء
عدد الرسائل : 1578 العمر : 33 منين ؟ : في مكان كد مــزاجك ؟ : مزاج راااااايق
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-02, 10:40 pm | |
| ههههههههه حلوة القصة يا تلاكيك تسلم ايدك | |
|
| |
Dj TalaKek صاحـــــب المصطبـــه
عدد الرسائل : 8474 العمر : 33 منين ؟ : HeLwAn مــزاجك ؟ : موووووز
| |
| |
noody3 ابـــتـدا يفهم الدنيا
عدد الرسائل : 58 العمر : 34 منين ؟ : Egyet
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-03, 5:02 pm | |
| ههههههههههههههههههههههههههه والله عمر ده عنده حق انه يطفش الناس هجموه عليه زى التطااااااااار هههههههههههه بس بجد جميله ياااا تلاكيك رووووووووووووعه بس كملنا بقا بسرعه :D :D | |
|
| |
Dj TalaKek صاحـــــب المصطبـــه
عدد الرسائل : 8474 العمر : 33 منين ؟ : HeLwAn مــزاجك ؟ : موووووز
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-03, 5:18 pm | |
| عشان خاطر الضحكه الحلوه ديه بكره هتكون موجوده فى نفس المعاد بس يارب شوف ردود حلوه
| |
|
| |
lesa-katkota احلى الاعضـاء
عدد الرسائل : 1578 العمر : 33 منين ؟ : في مكان كد مــزاجك ؟ : مزاج راااااايق
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-03, 6:22 pm | |
| عمر ده طلع حكااااااااااااااااااااية وياعيني على الهجوم اللي جه (( الظهر والعصر واخر النهار )) | |
|
| |
noody3 ابـــتـدا يفهم الدنيا
عدد الرسائل : 58 العمر : 34 منين ؟ : Egyet
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-04, 8:58 pm | |
| ياااااااااااااا سيدى هضحك من دلؤقتى لحد الصبح بس نزل انت با قى الحلقات :D :D | |
|
| |
rocky2 فهم الدنيا
عدد الرسائل : 152 منين ؟ : الاسكندرية
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-05, 6:55 pm | |
| | |
|
| |
ANGEL مش عــارفين انا مين
عدد الرسائل : 325 العمر : 34 منين ؟ : تحيا جمهوريه مصر العربيه
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-05, 9:06 pm | |
| يوووووووووووووووووووو يلا تلاكيك طلع الباقي عن جد بيجننو تسلم اديك يا رب والله كتير حلويـــــــــــــــن بليز الباقي | |
|
| |
MIRO ASSAD شخصـــيه مهمه
عدد الرسائل : 5716 العمر : 30 منين ؟ : HeLwAn مــزاجك ؟ : رايـــــــق اخـــــــــر حـــــــاجــــــــه
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-06, 12:51 am | |
| مشكووووووووووووور يا كبييييييييييييييييييير
| |
|
| |
betooo عيــش وعيشنـــا
عدد الرسائل : 2334 العمر : 34 منين ؟ : الهرم مــزاجك ؟ : تعباااااااااااااااااان
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-06, 9:34 pm | |
| هادى اجمل قصة حب فعلا ويا رب عمر وسارة يفضلو يحبوا بعض للابد | |
|
| |
DjMuSiC شخصـــيه مهمه
عدد الرسائل : 14 منين ؟ : misr
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-06, 9:40 pm | |
| الحلقه التالته فــــــــــــــيـــــــــــــــــن | |
|
| |
Dj TalaKek صاحـــــب المصطبـــه
عدد الرسائل : 8474 العمر : 33 منين ؟ : HeLwAn مــزاجك ؟ : موووووز
| |
| |
ANGEL مش عــارفين انا مين
عدد الرسائل : 325 العمر : 34 منين ؟ : تحيا جمهوريه مصر العربيه
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-09, 8:44 pm | |
| يووووووووووووووووووو يلا تلاكيك الرابعه بلـــــــــــــــــــــــــــــــــــــــــيز | |
|
| |
noody3 ابـــتـدا يفهم الدنيا
عدد الرسائل : 58 العمر : 34 منين ؟ : Egyet
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-09, 9:57 pm | |
| هههههههههههههه الحلقه دى جمده بس صغيره بليز كبر الحلقات شويه بس عمر ده جااااااااااامده اوى وسا بت البت وسارة كمان كانت عاقله اوى وربنا يخليهم لبعض | |
|
| |
اميره الاحزان ابـــتـدا يفهم الدنيا
عدد الرسائل : 103 العمر : 35 منين ؟ : الهرم مــزاجك ؟ : قرفانه
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-10, 6:18 pm | |
| حلوووووووووووووه اووووووووووووووى | |
|
| |
betooo عيــش وعيشنـــا
عدد الرسائل : 2334 العمر : 34 منين ؟ : الهرم مــزاجك ؟ : تعباااااااااااااااااان
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-11, 4:48 am | |
| حلووووووووووووووووووة مرررررررررررررررررررررررة مشكووووووووور يلة نبى الرابعة | |
|
| |
ESLAM_AFREKANO اعضــاء تلاكيــــك
عدد الرسائل : 41 العمر : 40 منين ؟ : ALEX مــزاجك ؟ : 0186819442
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-11, 6:23 pm | |
| يوميات أتنين متجوزين ( عمر و سارة وسنة أولى جواز ) | |
|
| |
tuxido اعضــاء تلاكيــــك
عدد الرسائل : 20
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-12, 2:49 pm | |
| بجد القصه تحفه ومنتظرين بقيه السلسله الرائعه دى | |
|
| |
Dj TalaKek صاحـــــب المصطبـــه
عدد الرسائل : 8474 العمر : 33 منين ؟ : HeLwAn مــزاجك ؟ : موووووز
| موضوع: (((الحلقة الرابعة))) 2008-07-13, 4:48 am | |
| (((الحلقة الرابعة)))
اخر ايام اسبوع العسل الحمد لله اني لم اتزوج واحدة مجنونة تخنقني بغيرتها وخناقها وعصبيتها.. فعلاً الثقافة والقراءة بتفرق جدا فى عقلية البنت.. لو كانت سارة واحدة دماغها فاضية من بتوع الموضة والاغاني وخلاص كانت قلبت دماغي على حكاية شيرين وقلبت بوزها 6 سنين وكل ما ح نشوف واحدة حلوة ح تبصّلي زي المخبرين في قسم البوليس لما بيصطادوا مجرم وهاتك يا تحقيق بجد لو كانت عملت كده ما كنتش ح احكيلها حاجة ابدا بعد كده واريّح دماغي وخلاص.. ربنا يهديكي يا سارة وتفضلي عاقلة كده عمر منظر البحر ساحر والاحلى اني مع حبيبي ولا اخاف ان يراني أحد بل بالعكس اتمنى ان يعرف جميع الموجودين على الشاطىء اني عروسة في شهر العسل من فرط سعادتي واحساسي بالراحة.. مر عليّ أجمل اسبوع في حياتي كله فسح وخروج وسهر وحب في حب... مش عاوزة ابعد عن عمر ولا ثانية فعلا لازم يسموه شهر عسل قصدى اسبوع عسل بس يا خسارة ده اخر يوم ونعود الى القاهرة غداً نظرت الى عمر فوجدته شارد يفكر ياترى بتفكر فى مين يا عمر؟.. في شيرين؟ مش معقول.. كفاية تفاهة بقى يا سارة واياكي تفتحي الموضوع ده ابدا... انا ما صدقت اني كسبت نقطة وخليته يثق فيّ كصديقة عاقلة قبل ما اكون زوجة غيورة بس بجد كنت ح اموت من الغيرة.. بس يعني لو صرخت وبوّزت وخاصمته ح اخليه ينسى اي واحدة ومايبصش لواحدة غيري؟ مش ممكن طبعا ده ح يبعد عني اكتر لا ياسي عمر ده انا ح اكون قدامك ووراك وجنبك وفي كل مكان حتى تحت جلدك.. ده انا عاملة لك حتة خطة الليلة دي.. مش ح تخليك تفتكر لا شيرين ولا سعدية وتحلف ان مفيش فى الدنيا بنت غيري.. بس استنى عليّا
سارة علينا ح نقعد قدام المرسى ابو العباس نكمل الاسبوع.. فطار وغدا وعشاء برة البيت ده غير الفسح !! ماشاء الله على الشحاتة المتوقعة الحمد لله ان العربية فيها بنزين ترجّعنا مصر بكرة ان شاء الله وراجع جري على بيت السيد الوالد طبعا علشان منحة ابوية تانية.. حاجة تكسف بجد.. بس الحقيقة كان اسبوع يجنن كان نفسي يبقى شهر دول العزاب دول غلابة ياعم.. قال ويقول لك محلاها عيشة الحرية عمر أنا: ايه يا سي عمر انا ح اموت من الجوع وانت اخر طناش.. ايه خير؟.. انت ح تصوم الستة البيض من النهاردة؟ عمــر: يا ساتر يارب مش انا لسه يا بنتي مفطّرك من 8 ساعات!؟.. ده انتي ح تاكلينا لما نروّح أنا: ياباي على الغلاسة.. يابني ح اموت من الجوع والناس اللي جنبنا دول ما بطّلوش اكل من ساعة ما وصلوا.. وحتى الست صعِبت عليها لما لقيتنا مدينها ترمس ولب من ساعة ماجينا قامت عزمت عليّ بطبق محشي وانت بتصلى العصر.. بس انا عملت فيها العروسة الشيك وقلت لها ميرسي ياطنط.. يا خسارة المحشي عمــر: محشي ؟!!.. ياريتك جبتيلنا طبقين.. دي الفلوس اللي معانا يادوب تأكّلنا كشري واحتمال مفيش عشا كمان.. لازم يخلوا العرايس يطبخوا في شهر العسل علشان العرسان ما تشحتش ياحبيبتي أنا: طيب ح نموت من الجوع ولا ايه النظام؟.. فهّمني علشان اروح الحق طنط بتاعة المحشي بسرعة.. دول دخلوا في المسقعة عمــر: لا يا ستي آخر وجبة ح ناكلها هنا وأمري الى الله.. ح نروح ناكل فى مطعم قريب من البيت وبعدين بالليل فيه ناس قرايبنا هنا ابنهم عمل حادثة وح اضطر اروح أشوفه شوية.. تحبي تيجي معايا ولا بتخافي من المستشفيات؟ أنا: لا باخاف.. روح انت.. وبعدين عاوزة أحضر الشنط وانام بدري النهاردة.. معلش يا عمر لو جيت ولقيتني نايمة ما تصحّنيش علشان خاطري عمـر: ياسلام؟.. لا والله ؟ كده يا سارة ... وتسيبيني أسهر لوحدي ؟ أنا: معلش يا عمر بجد تعبانة وعاوزة انام بدري.. الظاهر ح اخد دور برد.. ما تزعلش علشان خاطري عمـر: لا يا حبيبتي خلاص.. انا عاوزك ترتاحي.. بس افتكريها اخيراً عمر مشي وراح المشوار بتاعه.. قدامي حوالي 3 ساعات علشان أرتّب أجمل ليلة ح يعيشها في عمره رتبت الشنط بسرعة جدا وكلمت حلواني مشهور في اسكندرية لأؤكد حجز تورتة حجزتها من امبارح على شكل قلب احمر ومكتوب عليها اسمينا انا وعمر وعليها كلمة: الى حبيبي.. أحبك ثم أخرجت صندوق المفاجآت اللي كنت محضراه من القاهرة واللي رفضت ان يطلع عليه احد حتى امي.. وأخرجت منه مجموعة من الشموع الحمراء والوردية ووزعتها فى جميع انحاء المنزل.. لن أوقدها الا عندما يأتي حبيبي ومجموعة من الورود المجفّفة جميلة الشكل نثرتها على الأرضية بشكل أسهم تشير الى غرفة نومنا.. ثم مجموعة من البطاقات الوردية والملونة التى كتبت عليها عبارات غرامية اليه ووزعتها فى كل المنزل بشكل مرتب ومتسلسل ثم دخلت الحمام وأخذت شاور سريع.. ثم ملأت البانيو بماء ساخن ورغاوي صابون منعشة لعمر عندما يأتى ونثرت فوق المياة مجموعة من القلوب الحمراء الطافية.. وكتبت على مراية الحمام بالروج بخط صغير: كان أجمل اسبوع عسل فى العالم ياحبيبي ثم دخلت الى حجرة النوم ورتبتها ورشيت معطر جو لم استخدمه من قبل ولم انسى الشموع طبعا.. ثم ارتديت طقم جديد ساحر كنت أخفيه.. ورشيت عطر رائع وجلست أضع الماكياج بدقة شديدة وكأنى سأتزوج مرة أخرى هذه الليلة.. هكذا سينسى اي امراة اخرى سواي وليس بالنكد.. يارب ارضى عنا
عمر بيركن سيارته تحت المنزل الحمد لله اننا فى الدور الخامس امامي وقت لبقية الخطة... وضعت التورتة فى الصالة وحولها الشموع ليراها اول ما يدخل.. ورتبت البطاقات وأغلقت انوار الشقة كلها وتركت باب الشقة مفتوح قليلا ودخلت أختبىء في غرفتي
سارة ايه يا سارة ده انتي نمتي وسبتي الباب مفتوح؟.. ايه ده النور مقطوع ولا ايه؟.. سارة انتي فين؟ ايه ده ايه ده انا مش مصدق عيني.. الله الله لا يمكن انا اكيد فى حلم.. سارة انتي فين؟ ايه التورتة الرهيبة دي؟. يااااااااااااااه ده انا حاسس اني ملك.. ساااااااااارة وايه الكروت اللي على الارض دي؟ اول واحد مكتوب فيه: لو كنت بتدوّر عليّا اتبع الاسهم آآه ده فيه أسهم بالورود على الارض كمان.. ايه الرقة دي؟ والكارت اللي بعده مكتوب عليه: حد يمشي ورا الاسهم برضه؟.. امشى ورا قلبك يا حبيبي وانت تلاقيني ودخلتُ الحمام وجدته مجهز لملك او أمير.. بجد بجد بحبك يا سارة.. انتي فين يا حبيبتي.. اكيد هنا فى اوضتنا كمان كارت على باب الحجرة مكتوب عليه: انا باعشق احلى رجل فى الدنيا.. هو انت وفتحتُ الحجرة لأجد سارة تنتظرنى في أجمل صورة ممكن ان اتخيلها.. أميرة نائمة وسط الشموع والورود هل ممكن ان تُرضي زوجة رجلها وتسعده بهذا الشكل الا زوجتي الرائعة و....... وسكت شهريار هذه المرة عن الكلام المباح
أنتهي شهر العسل قصدى الحلقة الرابعة | |
|
| |
betooo عيــش وعيشنـــا
عدد الرسائل : 2334 العمر : 34 منين ؟ : الهرم مــزاجك ؟ : تعباااااااااااااااااان
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-13, 11:00 pm | |
| يا جاااااااااااااااااامد انت | |
|
| |
nona261 اعضــاء تلاكيــــك
عدد الرسائل : 25
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-14, 12:07 am | |
| بجد قصة جميلة جدااااااااا :D | |
|
| |
nona261 اعضــاء تلاكيــــك
عدد الرسائل : 25
| موضوع: رد: يوميات أتنين متجوزين ( عمر و سارة وسنة أولى جواز ) 2008-07-15, 12:45 am | |
| | |
|
| |
| يوميات أتنين متجوزين ( عمر و سارة وسنة أولى جواز ) | |
|